2026 yilning birinchi yarim yilligida O‘zbekistonga ko‘proq erkaklar tashrif buyurdi

Toshkent, O’zbekiston (UzDaily.uz) — 2026 yilning yanvar–iyun oylarida O‘zbekistonga turistik maqsadlarda 205 ta davlatdan 6 565 410 nafar xorijiy fuqaro tashrif buyurdi. Bu haqda Milliy statistika qo‘mitasi xabar berdi.

Idora maʼlumotlariga ko‘ra, xorijiy turistlar orasida erkaklar ustunlik qildi. Yilning dastlabki olti oyida mamlakatga 3 627 564 nafar erkak tashrif buyurgan bo‘lib, bu umumiy turistik oqimning taxminan 55,3 foizini tashkil etdi. Ayollar soni esa 2 937 846 nafarni yoki 44,7 foizni tashkil qildi.

Xorijiy turistlarning eng katta qismini 31–55 yosh toifasidagi sayohatchilar tashkil etdi. Ularning soni 3 390 402 nafarga yetdi. 56 yosh va undan katta bo‘lgan turistlar soni esa 1 307 741 nafarni tashkil qildi.

Shuningdek, O‘zbekistonga 19–30 yosh toifasidagi 1 089 647 nafar xorijiy fuqaro tashrif buyurdi. 18 yoshgacha bo‘lgan turistlar soni esa 777 620 nafarni tashkil qildi.

Milliy statistika qo‘mitasi maʼlumotlariga ko‘ra, 2026 yilning birinchi yarim yilligida O‘zbekiston jami 205 ta davlatdan turistlarni qabul qildi. Bu xalqaro turistik oqim geografiyasi kengligicha saqlanib qolayotganini ko‘rsatadi.