Юлия Рысюкова Президент Администрацияси ҳузуридаги таълим ислоҳотлари бўлими лойиҳалари координатори этиб тайинланди

Тошкент, Ўзбекистон (UzDaily.uz) — Президент Администрацияси раҳбари Саида Мирзиёева Президент Администрацияси ҳузуридаги таълимни ислоҳ қилиш бўлими лойиҳалари координаторини тайинлаш тўғрисида фармойиш имзолади.

Ушбу фармойишга мувофиқ, Юлия Рысюкова мазкур бўлимнинг лойиҳалар координатори лавозимига тайинланди ҳамда шу муносабат билан Таълимни ривожлантириш бўйича Республика илмий-услубий маркази директори вазифасидан озод этилди.

Таълимни ривожлантириш бўйича Республика илмий-услубий маркази директори лавозимига Шахзодбек Қурбаниязов тайинланди.