Тошкент, Ўзбекистон (UzDaily.uz) — Ўзбекистон Республикаси Туризм қўмитаси раиси ўринбосари Санджар Таджиев Арманистоннинг мамлакатимиздаги Фавқулодда ва Мухтор Элчиси Георги Кочарян билан учрашув ўтказди.
Учрашувда Ўзбекистон ва Арманистон ўртасида туризм соҳасидаги ўзаро ҳамкорликни ривожлантиришга қаратилган долзарб масалалар атрофлича муҳокама қилинди.
Томонлар 2026 йилда ўзаро манфаатли бўлган қўшма тадбирларни амалга ошириш юзасидан фикр алмашдилар ҳамда ушбу тадбирларни ташкил этиш учун яқиндан ҳамкорликни давом эттиришга келишиб олдилар.
