Тошкент Ҳокими Қирғизистон Элчисини қабул қилди
Тошкент, Ўзбекистон (UzDaily.uz) --
2017-йилнинг 11-январь куни Тошкент шаҳар Ҳокими Раҳмонбек Усмонов Қирғизистон Республикасининг Фавқулодда ва мухтор Элчиси Дониёр Сидиқовни қабул қилди. Бу ҳақда Қирғизистоннинг Ўзбекистондаги Элчихонаси хабар беради.
Музокаралар давомида Раҳмонбек Усмонов ва Дониёр Сидиқов Тошкент ва Бишкек ўртасидаги савдо-иқтисодий ҳамда маданий-гуманитар ҳамкорлик соҳасидаги масалаларни муҳокама қилишди.
Томонлар шунингдек қўшма корхоналар очишни, турли соҳалар бўйича тажриба алмашиниш мақсадида бизнес-форумлар, давра суҳбатлари ўтказишни келишиб олишди.
Томонлар яқин истиқболда икки давлатнинг Пойтахт маданияти кунларини ўтказишни муҳокама қилишди.
