Терма жамоамиз энг кўп боксчи билан финалда иштирок этади

Тошкент, Ўзбекистон (UzDaily.uz) — Бугун Осиё чемпионатида эркаклар иштирокида ярим финал баҳслари якунланди. Кун давомида 11 нафар боксчимиз финал учун рингга кўтарилди ва улардан фақатгина Жаҳонгир Зокиров афсуски, имкониятни бой бериб бронза медалини қўлга киритган бўлса, қолган 10 та вакилимиз финалга чиқдилар.

Эркаклар жамоамиз ҳам, аёллар жамоамиз ҳам, умумжамоа ҳисобида ҳам бизнинг терма жамоамиз энг кўп финалга йўл олиб турнирда етакчилигини исботлаб қўйдилар. Эркакларда биздан кейин Қозоғистон жамоаси, улардан 9 нафар боксчи финалга йўл олган.

Қитъа биринчилигида 10 декабр куни аёллар ва 11 декабр куни эркаклар ўртасидаги финал жанглари бўлиб ўтади.

Финалга йўл олган боксчиларимиз билан танишинг:

Эркаклар:
-48 кг: Шодиёржон Мелиқўзиев
-51 кг: Асилбек Жалилов
-54 кг: Шаҳзод Музафаров
-57 кг: Миразизбек Мирзаҳалилов
-63,5 кг: Адҳамжон Муҳиддинов
-67 кг: Мужибилло Турсунов
-71 кг: Ҳавасбек Асадуллаев
-75 кг: Жавоҳир Умматалиев
-80 кг: Тўрабек Ҳабибуллаев
-86 кг: Жасурбек Йўлдошев

Аёллар:
-48 кг: Фарзона Фозилова
-52 кг: Феруза Казакова
-54 кг: Азиза Яқубова
-57 кг: Нигина Ўктамова
-66 кг: Навбаҳор Ҳамидова
-75 кг: Азиза Зокирова
+81 кг: Олтиной Сотимбоева