Теннисчи Белозерцев Ўзбекистон номидан ўйнайди

Тошкент, Ўзбекистон (UzDaily.uz) — Украиналик теннисчи Никита Белозерцев Ўзбекистон терма жамоаси сафида иштирок этади. Бу ҳақда мамлакат Теннис федерацияси матбуот хизмати хабар қилди.

Спортчи ўз авлодининг ўсмирлар даражасидаги энг кучли вакилларидан бири ҳисобланади. Ҳозирда у Халқаро теннис федератсиясининг жаҳон ўсмирлар рейтингида 13-ўринни эгаллаб турибди.

Аввал Белозерцев халқаро мусобақаларда барқарор натижаларни намойиш этган ва ITF ўсмирлар рейтинги етакчилари қаторига кирган.

Хабар қилинишича, теннисчи аллақачон ITF ҳомийлигида ўтказиладиган турнирларда Ўзбекистон байроғи остида иштирок эта бошлаган. Шунингдек, у профессионал даражада мамлакат номидан ATP серияси мусобақаларида ҳам қатнашмоқда.