Словакия делегацияси Ўзбекистонга ташриф буюради

Тошкент, Ўзбекистон (UzDaily.uz) -- 2016-йилнинг 2-4-ноябрь кунлари Словакия Республикасининг Ташқи ва Европа ишлари вазирлиги Давлат котиби Лукаш Паризек бошчилигидаги делегация Ўзбекистонга ташриф буюради. Бу ҳақда ЎзР ТИВ Матбуот хизмати хабар беради.

Ташриф дастуридан вазирликлараро сиёсий маслаҳатлашувларнинг навбатдаги раундида иштирок этиш, Ўзбекистон Республикаси Ташқи иқтисодий алоқалар, инвестициялар ва савдо вазирлигида икки томонлама муносабатларнинг долзарб масалаларини муҳокама қилиш ҳамда Самарқанд вилоятида бўлиш ўрин олган.