Тошкент, Ўзбекистон (UzDaily.uz) — Ўзбекистон вакиллари Осиё ўйинларининг теннис мусобақаларида икки ғалабани қўлга киритди. Сергей Фомин эркаклар ўртасида яккалик баҳсларининг иккинчи босқичида ғалаба қозонган бўлса, Севиль Юлдашева ва Максим Шин аралаш жуфтликлар баҳсида мусобақанинг кейинги босқичига йўл олди.
Эркаклар ўртасидаги яккалик баҳсларнинг иккинчи босқичида Сергей Фомин Тожикистон вакили Сомон Амоновга қарши майдонга тушди. Ўзбекистонлик теннисчи учрашувни 6:1, 6:1 ҳисобида ишончли тарзда ўз фойдасига ҳал қилди.
Аралаш жуфтликлар баҳсида Севиль Юлдашева ва Максим Шин биринчи босқичда Гонконг вакиллари Wong Hong Yi ва Wong Tsz Fuга қарши ўйнади.
Ўзбекистонлик жуфтлик учрашувда 7:6(5), 0:6, 11:9 ҳисобида ғалаба қозониб, мусобақанинг кейинги босқичига йўл олди.
