Сенатда Кипрнинг Ўзбекистондаги элчиси билан учрашув бўлиб ўтди
Тошкент, Ўзбекистон (UzDaily.uz) —
Жорий йилнинг 2 май куни Олий Мажлис Сенати Раисининг биринчи ўринбосари Содик Сафоев Кипр Республикасининг Ўзбекистондаги Фавқулодда ва Мухтор Элчиси Кипрос Йоргаллис билан учрашди.
Учрашувда Ўзбекистон ва Кипр ўртасидаги муносабатлар сўнгги йилларда фаол ривожланаётгани таъкидланди.
Суҳбат давомида икки мамлакат ўртасида парламентлараро ҳамкорликни янада ривожлантириш масалалари муҳокама қилинди.
Томонлар парламентлар ўртасидаги мулоқотни кучайтириш, парламент делегациялари билан алмашиш ва қонунчилик фаолияти тажрибаси билан ўртоқлашиш муҳим аҳамиятга эга эканлигини таъкидлади.
