Тошкент, Ўзбекистон (UzDaily.uz) — Ўзбекистон Президенти Администрацияси раҳбари Саида Мирзиёева АҚШ президенти Дональд Трамп билан учрашганини маълум қилди. Бу ҳақда у ўзининг Telegram-каналида хабар берди.
«Мен учун АҚШ президенти Дональд Трамп билан учрашиш ва унга Ўзбекистон президенти Шавкат Мирзиёев номидан энг эзгу тилакларни етказиш катта шараф», — деб ёзди Саида Мирзиёева ўзининг Telegram-каналида.
Учрашувнинг бошқа тафсилотлари ҳозирча Оқ уй ёки Ўзбекистон Президенти Администрацияси томонидан маълум қилинмаган.
Саида Мирзиёева АҚШда ташриф билан бўлиб турибди. Ташриф доирасида у БМТ Бош Ассамблеяси тадбирларида иштирок этди, шунингдек, Google, БМТнинг Аҳоли жамғармаси (UNFPA) ва Жаҳон савдо ташкилоти (ЖСТ) вакиллари билан музокаралар ўтказди.
