Рио-2016: Шаҳрам Ғиёсов финалга чиқди

Тошкент, Ўзбекистон (UzDaily.uz) -- Бразилиянинг Рио-де-Жанейро шаҳрида давом этаётган Олимпиада ўйинларининг бокс баҳслар қизиқарли паллага кириб улгурди. Унда ҳамюртимиз Шаҳрам Ғиёсов 69 кг вазн тоифасида жангларга киришди.

Ярим финалда боксчимиз жаҳон чемпиони, марокашлик Муҳаммад Рабиига қарши рингга чиқди. Муросасиз кечган жангда Ғиёсов 3:0 ҳисобида ғалаба қозонди ва финалга йўл олди. Энди финалда у қозоғистонлик Дониёр Елеусинов билан баҳс олиб боради.