Рио-2016: Бектемир Мелиқўзиев финалга чиқди
Тошкент, Ўзбекистон (UzDaily.uz) --
Бразилиянинг Рио-де-Жанейро шаҳрида давом этаётган Олимпиада ўйинларида ҳамюртимиз Бектемир Мелиқўзиев 75 кг вазн тоифасида жанг олиб бормоқда.
Ярим финалда боксчимиз мексикалик Мисаел Родригезга қарши рингга чиқди. Муросасиз кечган жангда Мелиқўзиев 3:0 ҳисобида ғалаба қозонди ва финалга йўл олди. Бу дегани камида кумуш медали нақд. Энди финалда у кубалик Арлен Лопез билан баҳс олиб боради.
Ҳозирда терма жамоамиз ҳисобида 8 та медал бор: 2 та олтин, 1 та кумуш ва 5 та бронза.
