Пойтахтда тирбандликка қарши интеллектуал платформа ишга туширилди
Тошкент, Ўзбекистон (UzDaily.uz) — Пойтахт кўчаларида тирбандликларни барвақт прогноз қилишга қаратилган Компютерлаштирилган вазиятлар маркази яратилди.
Сунъий интеллект имкониятларидан фойдаланган ҳолда Марказга татбиқ этилган Интеллектуал транспорт платформаси автотранспорт оқимини кузатиш, таҳлил қилиш ва интеллектуал бошқаришга имконият яратиб беради.
"Натижада шаҳарда тирбандлик 50 фоизгача камайишига, автомобил йўловчиларининг вақтини тежаш, йўллардаги бахтсиз ҳодисалар сони камайиши, фавқулодда хизматлар ҳаракатини тезлаштириш ҳамда қарор қабул қилишда аниқ статистика орқали самарадорликни оширишга хизмат қилади", — дейилади ИИВ хабарида.
Эслатиб ўтамиз, яқинда президент пойтахтда транспорт ҳаракатини сунъий интеллект асосида тартибга солиш бўйича тақдимот қилинганига ҳам анча вақт бўлгани, лекин натижа йўқлигини кўрсатиб ўтганди.
