Покистон Ўзбекистоннинг ЖСТга аъзо бўлишини расман қўллаб-қувватлади
Тошкент, Ўзбекистон (UzDaily.uz) — Ўзбекистоннинг Покистондаги элчихонаси савдо-иқтисодий ва инвестициявий ҳамкорлик масалаларида фаол мулоқот олиб бормоқда.
2 декабрь куни Покистон савдо вазири Жам Камол Хон билан бўлиб ўтган учрашувда Покистон Ўзбекистоннинг Жаҳон Савдо Ташкилотига (ЖСТ) аъзо бўлишини қўллаб-қувватлаши тасдиқланди.
6 декабрь куни Женевада ушбу масала бўйича меморандум Ўзбекистон Президентининг ЖСТ масалалари бўйича махсус вакили Азизбек Урунов ва Покистоннинг ЖСТдаги доимий вакили Али Сарфраз Ҳусайн томонидан имзоланди.
