Ўзметкомбинат ва Хитойнинг Henan Longcheng Group компаниялари ҳамкорлик истиқболларини муҳокама қилишди

Тошкент, Ўзбекистон (UzDaily.uz) —  «Ўзметкомбинат» АЖда Хитойнинг Henan Longcheng Group Co., Ltd. компанияси вакиллари билан учрашув бўлиб ўтди.

Учрашувда «Ўзметкомбинат» АЖ Бошқаруви раиси – Бош директор Баҳодир Абдуллаев иштирок этди. Музокаралар чоғида томонлар саноат соҳасидаги ўзаро ҳамкорлик масалалари, илғор технологиялар алмашинуви ҳамда истиқболли қўшма лойиҳаларни амалга ошириш имкониятларини муҳокама қилдилар. 

Henan Longcheng Group Co., Ltd. — Хитой металлургия саноатининг йирик вакилларидан бири бўлиб, мис плиталар, қуйма прокат қолиплари, энергия тежамкор ускуналар ҳамда илғор металлургия технологиялари ишлаб чиқаришга ихтисослашган.