Ўзбекистоннинг U-17 футболчилари ЖЧ олдидан Англия, Канада ва Мароккога қарши ўйнайди

Тошкент, Ўзбекистон (UzDaily.uz) — Ўзбекистон ёшлар терма жамоаси (U-17) бош мураббий Исломбек Исмоилов раҳбарлигида сентябрь ойида 17 ёшгача бўлганлар ўртасидаги жаҳон чемпионатига тайёргарлик доирасида Испанияда ўқув-машғулот йиғинлари ўтказади.

Йиғин доирасида жамоа халқаро мусобақада иштирок этади ва у ерда жаҳон чемпионати иштирокчилари — Англия, Канада ва Марокко терма жамоаларига қарши баҳс олиб боради.

Таъкидланишича, 3 сентябрь куни ўзбекистонликлар Англияга қарши майдонга тушади, 6 сентябрь куни Канада билан, 9 сентябрь куни эса Мароккога қарши ўйнайди.