Тошкент, Ўзбекистон (UzDaily.uz) — Ўзбекистоннинг Defex Robotics стартапи АҚШнинг Y Combinator акселераторига қабул қилинган мамлакатдаги учинчи лойиҳага айланди.
Ҳусан Мавлонов томонидан асос солинган компания ишлаб чиқариш жараёнларини автоматлаштириш учун роботлаштирилган ечимларни ишлаб чиқмоқда.
Аввалроқ Ўзбекистондан яна иккита стартап — Speko (S26 мавсуми) ва Twolabs (P26 мавсуми) Y Combinator акселераторига қабул қилинган эди.
Defex Robotics маҳсулотларни йиғиш ва сифатини назорат қилиш жараёнларини автоматлаштиришга мўлжалланган саноат роботларини яратишга ихтисослашган.
Компания ечими электр улагичларини ўрнатиш, бирикмаларнинг мустаҳкамлигини текшириш ва синов натижаларини автоматик равишда қайд этиш имконини беради.
Y Combinator акселераторига қабул қилиниши стартапга технологик компанияларни қўллаб-қувватлашга ихтисослашган нуфузли халқаро дастурлардан бири доирасида ўз маҳсулотини ривожлантириш имконини беради.
