Тошкент, Ўзбекистон (UzDaily.uz) — Ўзбекистон ва PASHA Financial Holding молия секторида ҳамкорликни кенгайтириш истиқболлари ва инвестициявий ҳамкорликнинг янги йўналишларини муҳокама қилди. Учрашув 22 сентябрь куни Ўзбекистон инвестициялар, саноат ва савдо вазири ўринбосари Хуррам Тешабаев ҳамда PASHA Financial Holding бош директори Фарид Мамедов ўртасида бўлиб ўтди.
Музокаралар давомида томонлар банк ва суғурта соҳаларида ҳамкорликни ривожлантириш имкониятлари, шунингдек, инвестициявий ҳамкорликнинг эҳтимолий шаклларини кўриб чиқди.
FinTech ва рақамли молиявий хизматларни ривожлантиришга алоҳида эътибор қаратилди. Учрашув иштирокчилари истиқболли инвестиция лойиҳаларини ҳам муҳокама қилди.
Музокаралар якунида томонлар ўзаро манфаатли ҳамкорликни янада ривожлантириш ва Ўзбекистон ҳамда Озарбайжон ўртасидаги инвестициявий-иқтисодий алоқаларни мустаҳкамлашдан манфаатдор эканини билдирди.
