Иқтисод

Ўзбекистон ва Medicana Тошкентда хусусий клиника очиш лойиҳасини муҳокама қилди

Ўзбекистон ва Medicana Тошкентда хусусий клиника очиш лойиҳасини муҳокама қилди
Ўзбекистон ва Medicana Тошкентда хусусий клиника очиш лойиҳасини муҳокама қилди / Фото: Инвестициялар, саноат ва савдо вазирлиги матбуот хизмати.

Тошкент, Ўзбекистон (UzDaily.uz) — Ўзбекистон ва Туркиянинг Medicana Healthcare Group компанияси инвестициявий ҳамкорлик истиқболлари ҳамда Тошкентда кўп тармоқли хусусий клиника ташкил этиш масалаларини муҳокама қилди. Бу ҳақда Ўзбекистон Инвестициялар, саноат ва савдо вазирлиги хабар берди.

Инвестициялар, саноат ва савдо вазири Лазиз Қудратовнинг компания директорлар кенгаши аъзоси Берк Бозқурт билан учрашуви 19 ноябрь куни Тошкентда бўлиб ўтди.

Музокаралар давомида томонлар инвестициявий ҳамкорликни кенгайтириш ва Ўзбекистонда қўшма лойиҳаларни амалга ошириш имкониятларини муҳокама қилди.

Пойтахтда кўп тармоқли хусусий клиника ташкил этиш ва уни бошқариш ташаббусига алоҳида эътибор қаратилди.

Учрашув иштирокчилари лойиҳани амалга ошириш шартлари ва ҳамкорликнинг кейинги режаларини атрофлича кўриб чиқди.

 

Дилафруз Ниязова
Дилафруз Ниязова

Дилафруз Ниязова 2025 йилдан буён UzDaily жамоасида фаолият юритиб, нашрнинг ўзбек тилидаги версияси учун масъулдир.