Ўзбекистон ва Беларус парламентлараро комиссияси аъзолари ҳамкорликни кенгайтиришни муҳокама қилишди

Тошкент, Ўзбекистон (UzDaily.uz) — Ўзбекистон Республикаси Олий Мажлиси Сенати ва Беларусь Республикаси Миллий мажлиси Республика Кенгаши ўртасида ҳамкорлик бўйича комиссия аъзоларининг онлайн шаклда учрашуви бўлиб ўтди.

Унда Ўзбекистон ва Беларусь ўртасидаги дўстона ва ўзаро ишончга асосланган муносабатларни мустаҳкамлаш, парламентлараро ҳамкорликни янада ривожлантириш, олий ва юқори даражадаги келишувлар ижросини таъминлаш, икки мамлакат ўртасидаги савдо-иқтисодий алоқаларни кенгайтириш масалалари муҳокама қилинди.

Савдо-иқтисодий ва маданий-гуманитар ҳамкорлик, минтақавий алоқаларни мустаҳкамлаш, қўшма сармоявий лойиҳаларни парламент томонидан қўллаб-қувватлаш масалаларини муҳокама қилиш учун Комиссиянинг мунтазам йиғилишларини ўтказиш зарурлиги қайд этилди.

Учрашув якунида парламентлараро мулоқотни чуқурлаштириш ва минтақавий алоқаларни ривожлантиришга келишиб олинди.