Ўзбекистон Республикасининг хориждаги барча ваколатхоналарида ҳамдардлик китоби очилди

Тошкент, Ўзбекистон (UzDaily.uz) -- Ўзбекистон Республикаси биринчи Президенти Ислом Абдугъаниевич Каримовнинг вафот этгани ҳамда мамлакатда уч кунлик мотам эълон қилингани муносабати билан Ўзбекистон Республикасининг хориждаги барча дипломатия ва консуллик ваколатхоналарида ҳамдардлик китоби очилди. Шунингдек, ваколатхона биноларидаги Давлат байроқлари энгаштириб қўйилган.

Эрта тонгдан бошлабоқ ҳукумат ва парламент аъзолари, сиёсий, маданий, илмий-академик ва ишбилармон доиралар вакиллари ҳамда оддий одамлар ўзбек халқининг чуқур қайгъусига шериклик рамзи сифатида гуллар олиб келишмоқда ва ўз ҳамдардликларини таъзия китобида қолдиришмоқда.