Ўзбекистон Президенти Муандаги авиаҳалокат муносабати билан Кореяга ҳамдардлик билдирди

Тошкент, Ўзбекистон (UzDaily.uz) — Ўзбекистон Президенти Шавкат Мирзиёев Муанда авиаҳалокати оқибатида кўплаб инсонлар ҳалок бўлгани муносабати билан Жанубий Кореянинг вақтинча президенти вазифасини бажарувчи Чҳве Сан Мокка ҳамдардлик мактубини йўллади.

Давлат раҳбари корея халқига, ҳалок бўлганларнинг яқинлари ва оила аъзоларига чуқур ҳамдардлик билдирди ҳамда жабрланганларга тезроқ шифо топишини тилади.