Тошкент, Ўзбекистон (UzDaily.uz) — «Ойбек» чегара божхона постида Ўзбекистонга кириб келаётган йўловчининг мобил телефони ва унинг ғилофига яширилган, жами 54 грамм вазндаги декларацияга киритилмаган заргарлик буюмлари аниқланди. Бу ҳақда Тошкент вилояти ҳокимлиги хабар берди.
Заргарлик буюмлари қўл юкини кўздан кечириш жараёнида топилган. Хабарда қайд этилишича, йўловчи уларни декларацияда кўрсатмаган ва оғзаки сўров вақтида ҳам бу ҳақда маълум қилмаган.
Дастлабки баҳолашга кўра, заргарлик буюмларининг қиймати 64,8 миллион сўмни ташкил этади.
Айни пайтда ушбу ҳолат юзасидан божхона органлари томонидан текширув олиб борилмоқда.
