ЎзР ТИВда ЙХҲТ ДИИҲБ делегацияси билан учрашув бўлиб ўтди

Тошкент, Ўзбекистон (UzDaily.uz) -- 2016-йилнинг 11-октябрь куни Ўзбекистон Республикаси Ташқи ишлар вазирлигида Европада хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг (ЙХҲТ ДИИҲБ) Эҳтиёжларни баҳолаш миссияси билан учрашув бўлиб ўтди. Миссияга Сайловлар департаменти бошлиғи Александр Шлик бошчилик қилади.

Суҳбат чоғида 2016-йилнинг 4-декабрь куни бўлиб ўтадиган Ўзбекистон Республикаси Президенти сайловига Марказий сайлов комиссияси томонидан ЙХҲТ ДИИҲБ номига йўлланган таклифнома доирасидаги ҳамкорлик масалалари юзасидан фикр алмашилди.