Ўзбекистон ва Хитой 1500 МВт қувватга эга шамол ва қуёш электр станцияларини қуриш бўйича шартномалар имзолади

Тошкент, Ўзбекистон (UzDaily.uz) — Биринчи Самарқанд халқаро иқлим форуми доирасида Инвестициялар, саноат ва савдо вазирлиги томонидан мамлакатимизда “яшил иқтисодиёт”ни ривожлантиришга қаратилган қатор ҳужжатлар имзоланди.

Хусусан, ИССВ ва SANY Renewables International Investment Co., Ltd. ўртасида Қорақалпоғистон Республикасида 1000 МВт қувватга эга шамол электр станциясини қуриш, шунингдек, Хитойнинг Liquip International компанияси Жиззах вилоятининг Фориш туманида 500 МВт қувватга эга қуёш электр станциясини қуриш бўйича бўйича Инвестиция битимлари қабул қилинди.