Ўзбекистон ва Россия бўлажак тадбирлар жадвалини муҳокама қилишди

Тошкент, Ўзбекистон (UzDaily.uz) — 2026 йил 2 июнь куни Ўзбекистон Республикаси ташқи ишлар вазири ўринбосари Бобур Усманов Россия Федерациясининг мамлакатимиздаги Фавқулодда ва Мухтор Элчиси Алексей Ерхов билан учрашув ўтказди.

Мулоқот давомида томонлар икки ва кўп томонлама ҳамкорликнинг долзарб масалаларини муҳокама қилди. Турли даражаларда бўлиб ўтадиган бўлажак тадбирлар режаси кўриб чиқилди.