Ўзбекистон ва Қозоғистон ташқи ишлар вазирлари стратегик шерикликни мустаҳкамлаш масалаларини муҳокама қилдилар
Тошкент, Ўзбекистон (UzDaily.uz) — Ўзбекистон ташқи ишлар вазири Бахтиёр Саидов Қозоғистон Республикасининг янги ташқи ишлар вазири Ермек Кошербаев билан телефон орқали мулоқот қилди.
Саидов ҳамкасбини янги лавозимга тайинлангани билан табриклаб, муҳим дипломатик миссиясида муваффақиятлар тилади.
Суҳбат чоғида икки давлат ўртасидаги стратегик шериклик ва иттифоқчилик муносабатларини янада мустаҳкамлаш, минтақавий ва халқаро ташкилотлар доирасидаги ҳамкорликни янада ривожлантириш масалалари муҳокама қилинди.
Вазирлар Ўзбекистон ва Қозоғистон раҳбарлари эришган барча келишувларни самарали амалга ошириш учун ҳар икки ташқи ишлар вазирликлари яқин ҳамкорликни давом эттиришга тайёрлигини таъкидладилар.
