Шошилинч
Иқтисод

Ўзбекистон ва Ўмон транспорт алоқаларини кенгайтиришни муҳокама қилди

Ўзбекистон ва Ўмон транспорт алоқаларини кенгайтиришни муҳокама қилди
Ўзбекистон ва Ўмон транспорт алоқаларини кенгайтиришни муҳокама қилди / Фото: Ўзбекистон Республикаси Транспорт вазирлиги.

Тошкент, Ўзбекистон (UzDaily.uz) —Ўзбекистон ва Ўмон авиақатновлар, юк ташиш ҳажмини ошириш ҳамда транспорт соҳасидаги ҳамкорликнинг шартномавий-ҳуқуқий базасини кенгайтириш масалаларини муҳокама қилди. Бу ҳақда Ўзбекистон Транспорт вазирлиги хабар берди.

Музокаралар Президент Шавкат Мирзиёевнинг Уммонга давлат ташрифи доирасида бўлиб ўтди. Ўзбекистон транспорт вазири Илҳом Маҳкамов Уммон транспорт, алоқа ва ахборот технологиялари вазири Саид бин Ҳамуд бин Саид ал-Маволий билан учрашди.

Томонлар икки томонлама ҳамкорликнинг жорий ҳолати, эришилган натижалар ва келгуси ҳамкорликнинг устувор йўналишларини кўриб чиқди.

Уммон томони Ўзбекистон билан транспорт-логистика соҳасидаги алоқаларни мустаҳкамлашдан манфаатдорлигини билдирди. Хусусан, икки мамлакат ўртасидаги авиақатновлар сонини кўпайтириш ва янги йўналишларни очиш масалалари муҳокама қилинди.

Учрашувда ўзаро савдо ҳажмини кенгайтириш мақсадида ҳаво орқали юк ташиш имкониятларидан фойдаланиш масаласига ҳам алоҳида эътибор қаратилди.

Вазирлар, шунингдек, янги икки томонлама шартнома ва битимларни тайёрлаш ҳамда имзолаш имкониятларини кўриб чиқди. Бундан ташқари, ўзаро манфаатли қўшма лойиҳаларни амалга ошириш масалалари муҳокама қилинди.

Уммон томони Ўзбекистон билан савдо-иқтисодий муносабатларни ривожлантириш, мамлакат бозорида фаолият юритиш ва мавжуд имкониятлардан фойдаланишдан манфаатдорлигини тасдиқлади.

Учрашув якунлари бўйича томонлар транспорт-логистика ҳамкорлигини ривожлантириш, янги ташаббусларни илгари суриш ва икки томонлама алоқаларни мустаҳкамлаш бўйича биргаликдаги ишларни давом эттиришга келишиб олди.

 

 

Дилафруз Ниязова
Дилафруз Ниязова

Дилафруз Ниязова 2025 йилдан буён UzDaily жамоасида фаолият юритиб, нашрнинг ўзбек тилидаги версияси учун масъулдир.