Тошкент, Ўзбекистон (UzDaily.uz) — Ўзбекистон ташқи ишлар вазири ўринбосари Музаффар Мадрахимов 2026 йил 8 октябрь куни Европа Иттифоқининг Марказий Осиё бўйича махсус вакили Эдуардс Стипрайс билан учрашув ўтказди.
Томонлар Ўзбекистон ва Европа Иттифоқи ўртасидаги кўп қиррали ҳамкорликнинг бугунги ҳолати ва уни янада ривожлантириш истиқболларини муҳокама қилдилар.
Бўлажак қўшма тадбирларга, жумладан, олий ва юқори даражадаги учрашувларни ташкил этиш ҳамда уларнинг мазмун-моҳиятини белгилашга алоҳида эътибор қаратилди.
Музокаралар давомида иштирокчилар ўзаро манфаатли йўналишларда амалий ҳамкорликни кенгайтириш ва мавжуд ҳамкорлик механизмларидан янада самарали фойдаланиш муҳимлигини таъкидладилар.
Учрашув якунида Ўзбекистон ва Европа Иттифоқи ўртасидаги муносабатларни янада мустаҳкамлаш мақсадида мунтазам мулоқотни давом эттириш бўйича келишувга эришилди.
