Ўзбекистон ва БМТнинг Халқаро қишлоқ хўжалигини ривожлантириш жамғармаси аграр соҳада ҳамкорликни кенгайтириш масаласини муҳокама қилди

Тошкент, Ўзбекистон (UzDaily.uz) — 2025 йил 18 феврал куни Ўзбекистон Ташқи ишлар вазирининг маслаҳатчиси Мунира Аминова БМТнинг Халқаро қишлоқ хўжалигини ривожлантириш жамғармасининг (IFAD) Ўзбекистондаги ваколатхонаси раҳбари Лаура Маттиоли билан музокаралар ўтказди.

Учрашув давомида томонлар ўзаро ҳамкорликнинг жорий ҳолати ва истиқболли йўналишларини муҳокама қилиб, қўшимча грант маблағларини жалб қилиш ва IFAD томонидан молиявий-техникавий кўмак ҳажмини ошириш масалаларига эътибор қаратдилар.

Икки томон ҳам шерикликни янада чуқурлаштириш ва ўзаро манфаатли ташаббусларни амалга оширишга тайёр эканликларини билдирди.