Ўзбекистон U-17 жамоаси ЦСКА устидан ғалаба қозонди
Тошкент, Ўзбекистон (UzDaily.uz) — Ўзбекистоннинг ўсмирлар терма жамоаси (17 ёшгача) Россия пойтахти Москвадаги «Октябрь» стадионида ЦСКА жамоасининг ёшлар таркибига қарши назорат учрашувини ўтказди.
Курашларга бой кечган беллашувда ўзбекистонлик футболчилар 1:0 ҳисобида минимал ғалабага эришди. Ягона ва ғалаба голини Абубакир Шукуруллаев урди.
Ушбу ўйин жамоамизнинг шу йил Қатарда бўлиб ўтадиган 17 ёшгача бўлган футболчилар ўртасидаги жаҳон чемпионатига тайёргарлик жараёни доирасида ташкил этилди.
Эслатиб ўтамиз, Ўзбекистон ўсмирлар терма жамоаси Осиё чемпиони ҳисобланади.
