Ўзбекистон Ташқи ишлар вазири Терхи Хакалага ЕИ билан ҳамкорликни ривожлантиришга қўшган ҳиссаси учун миннатдорчилик билдирди

Тошкент, Ўзбекистон (UzDaily.uz) — 2024 йил 4 декабрь куни Ўзбекистон Ташқи ишлар вазири Бахтиёр Саидов Европа Иттифоқининг Марказий Осиё бўйича махсус вакили Терхи Хакала билан учрашув ўтказди. Хакала хоним Ўзбекистондаги ўз миссиясини якунламоқда.

Вазир Терхи Хакалага Ўзбекистон, Марказий Осиё ва Европа Иттифоқи ўртасидаги шериклик муносабатларини мустаҳкамлашга қўшган ҳиссаси учун миннатдорчилик изҳор қилди. Шунингдек, келаси йили Самарқанд шаҳрида ўтказилиши кутилаётган "Марказий Осиё — Европа Иттифоқи" Саммитига алоҳида эътибор қаратди.