Ўзбекистон Президенти Тинчлик кенгашининг биринчи мажлисида иштирок этади

Тошкент, Ўзбекистон (UzDaily.uz) — Ўзбекистон Президенти Шавкат Мирзиёев Вашингтон шаҳрида ўтказилиши режалаштирилаётган Тинчлик кенгашининг биринчи расмий мажлисида иштирок этади.

Жорий йилнинг январь ойида Ўзбекистон раҳбари янги халқаро ташкилот бўлган Тинчлик Кенгашининг низомини имзолади ва шу билан Ўзбекистонга ушбу тузилманинг асосчи аъзоси мақомини берди.

Тинчлик кенгашининг биринчи расмий мажлиси 19 февраль кунига белгиланган. Ташкилот АҚШ президенти Дональд Трамп ташаббуси билан ташкил этилгани ҳақида «Ўзбекистон 24» телеканали хабар бермоқда.

Ўзбекистон Тинчлик кенгашининг асосчи давлатлари қаторига кириши муносабати билан, биринчи мажлис ишида Шавкат Мирзиёевнинг шахсан иштирок этиши кутилмоқда.