Тошкент, Ўзбекистон (UzDaily.uz) — Ўзбекистон Ҳиндистондан папайя ва ананас импорт қилиш учун ўз бозорини очиш жараёнини тезлаштириш масаласини муҳокама қилмоқда. Музокаралар Ўзбекистон Республикаси Озиқ-овқат маҳсулотлари хавфсизлиги қўмитаси ва Ҳиндистоннинг Ўсимликларни ҳимоя қилиш миллий ташкилоти ўртасида олиб борилмоқда.
«Томонлар Ҳиндистон папайяси ва ананосини импорт қилиш учун Ўзбекистон бозорини очиш жараёнини тезлаштириш йўлларини муҳокама қилмоқда», — деб маълум қилди Ўзбекистон Республикаси Озиқ-овқат маҳсулотлари хавфсизлиги қўмитаси.
Шу билан бирга, Ўзбекистон қишлоқ хўжалиги маҳсулотларининг Ҳиндистон бозорига кириши ҳам кенгаймоқда. Музокаралар якунлари бўйича Ўзбекистон анор ва аччиқ қалампирни Ҳиндистонга экспорт қилиш учун фитосанитар рухсатномага эга бўлди.
Шундай қилиб, икки мамлакатнинг фитосанитар ҳамкорлиги икки йўналишда ривожланмоқда: Ҳиндистон бозорига киришига рухсат берилган Ўзбекистон маҳсулотлари рўйхати кенгаймоқда ва Ўзбекистон бозорини Ҳиндистон мева маҳсулотлари учун очиш бўйича ишлар давом этмоқда.
Айни пайтда томонлар Ҳиндистондан Ўзбекистонга папайя ва ананас етказиб беришни тезлаштириш учун зарур бўлган масалаларни келишишни давом эттирмоқда.
