Ўзбекистон 16 давлатдан 54,6 минг тонна парранда гўштини импорт қилди

Тошкент, Ўзбекистон (UzDaily.uz) — Миллий статистика қўмитасининг дастлабки маълумотларига кўра, 2025 йил январь–август ойларида Ўзбекистон 16 та хорижий мамлакатдан 54,6 минг тонна парранда гўштини 59,1 миллион АҚШ доллари қийматида импорт қилган.

Ўтган йилнинг шу даври билан таққослаганда, импорт ҳажми 6,8 минг тоннага ёки деярли 14,2 фоизга ошган.

Саккиз ой давомида Ўзбекистонга парранда гўштини етказиб берувчи энг йирик мамлакатлар Россия (13,9 минг тонна), Туркия (9,8 минг тонна), Беларусь (7 минг тонна), Бельгия (5,6 минг тонна) ва Нидерландия (4,2 минг тонна) бўлди. Бошқа давлатлар ҳиссасига эса 14,1 минг тонна тўғри келди.