Ўн мингдан ортиқ ўзбекистонлик икки ойда Таиландга ташриф буюрди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2026 йил январь–февраль ойларида туристик мақсадда Таиландга 10 946 нафар Ўзбекистон фуқароси сафар қилган.

Сафарларнинг асосий қисми туризм ҳиссасига тўғри келиб, 10 222 нафарни ташкил этган.

Шунингдек, қариндошларни зиёрат қилиш мақсадида 708 нафар, ўқиш учун 13 нафар ва хизмат сафари билан 3 нафар фуқаро Таиландга боргани қайд этилган.