Нодирбек Абдусатторов Хорватияда кумуш медални қўлга киритди

Тошкент, Ўзбекистон (UzDaily.uz) — Ўзбекистонлик гроссмейстер Нодирбек Абдусатторов 1-5 июль кунлари Загребда бўлиб ўтган нуфузли Супер Рапид анд Блитз Сроатиа турнирида кумуш медални қўлга киритди. Бу турнир 2026 йилги Гранд Чесс Тоурнинг учинчи босқичи ҳисобланади.

Мусобақада дунёнинг энг кучли ўнта гроссмейстери иштирок этди. Нодирбек Абдусатторов Ўзбекистоннинг ягона вакили эди.

Рапид ва блитс мусобақаларида ўзбекистонлик шахматчи 23,5 очко тўплади ва француз гроссмейстери Алиреза Фирузжа билан биринчи ўринни бўлишди.

Турнир ғолиби тай-брейклар бўйича аниқланди. Қўшимча иккита ўйин 1:1 ҳисобида дуранг билан якунланди, шундан сўнг рақиблар ҳал қилувчи ўйинни, Армагеддон форматини ўтказдилар ва унда Алиреза Фирузжа ғалаба қозонди.

Яна бир француз вакили Максим Ваше-Лаграв учинчи ўринни эгаллади.

Иккинчи ўрин учун Нодирбек Абдусатторов 42 500 доллар мукофот пули олди.