“Навоий” ЭИИЗнинг инвестицион имкониятлари Шанхайда намойиш этилди

Тошкент, Ўзбекистон (UzDaily.uz) -- Ўзбекистон Республикасининг иқтисодий ва инвестицион салоҳияти, шунингдек, Навоий вилоятида жойлашган “Навоий” ЭИИЗнинг инвестицион имкониятлари, у ердаги хорижий инвестор учун яратилган қулай шароитлар Шанхай (Хитой)да намойиш этилди. Бу ҳақда “Навоий” ЭИИЗнинг матбуот хизмати хабар беради.

Тақдимот вақтида Осиёнинг йирик 21 та иқтисодий зона вакиллари, жумладан, Хитой, Вьетнам, Таиланд, Индонезия, Малайзия, Лаос, Филиппин, Камбоджа, Покистан ва бошқа давлатлар “Навоий” ЭИИЗнинг инвестицион имкониятлари, бу ерда амалга оширилаётган ислоҳотлар ва инвесторлар учун яратилган қулайликлар билан яқиндан танишишди. Бир неча йўналишлар бўйича “Навоий” ЭИИЗда қўшма корхоналар ташкил этиш борасида музокаралар олиб борилди.