KAPITAL SECURITIES қимматли қоғозлар бозорида лицензия олди
Тошкент, Ўзбекистон (UzDaily.uz) — Ўзбекистон Республикаси Истиқболли лойиҳалар миллий агентлиги Ягона низомга мувофиқ, айрим фаолият турларини лицензиялаш тартиби доирасида махсус электрон тизим орқали масъулияти чекланган жамият KAPITAL SECURITIES га қимматли қоғозлар бозорида профессионал фаолиятни амалга ошириш учун лицензиялар тақдим этди.
Компания инвестиция активларини ишончли бошқарувчи сифатида фаолият юритиш, шунингдек инвестиция воситачиси функцияларини бажариш ҳуқуқига эга бўлди.
Берилган лицензиялар тўғрисидаги маълумот белгиланган тартибда Агентликнинг расмий сайтида жойлаштирилган қимматли қоғозлар бозори профессионал иштирокчиларининг электрон реестрига киритилди.
