Тошкент, Ўзбекистон (UzDaily.uz) — Осиё тараққиёт банки (ОТБ) Ўзбекистонда сув ресурслари, сув таъминоти ва санитария масалалари бўйича ишчи гуруҳнинг ҳамраиси бўлди.
Осиё тараққиёт банки маълумотларига кўра, 12-октабр куни Тошкентда гуруҳнинг еттинчи йиғилишида Швейтсария тараққиёт ва ҳамкорлик агентлиги (SDC)) дан расмий ваколатлар топширилди.
Йиғилишда давлат идоралари вакиллари, тараққиёт бўйича ҳамкорлар ҳамда халқаро молия ташкилотлари иштирок этди. Улар сув соҳасидаги асосий устувор йўналишлар ва ислоҳотларни муҳокама қилди. Банк ҳамраислик вазифаларининг топширилишини учрашувнинг асосий натижаларидан бири сифатида қайд этди.
ОТБ SDC’га сув соҳасида мулоқотни ривожлантириш ва ишларни мувофиқлаштиришга қўшган ҳиссаси учун миннатдорлик билдирди.
Банк янги мақомида Ўзбекистон ҳукумати ва тараққиёт бўйича ҳамкорлар билан яқин ҳамкорлик қилиш, ўзаро ҳамкорликни мустаҳкамлаш ва амалга оширилаётган ислоҳотларни қўллаб-қувватлашни режалаштирмоқда.
Қўшма ишлар сув ресурсларини бошқариш, суғориш, сув таъминоти ва санитария соҳаларини барқарор ривожлантиришга қаратилган инвестицияларни рағбатлантиришга ҳам йўналтирилади.
Йиғилиш иштирокчилари Ўзбекистонда сув хавфсизлигини мустаҳкамлаш ва аҳоли учун хизматлар сифатини ошириш борасидаги умумий мақсадларга содиқ эканликларини тасдиқлади.
