Иордания Бош вазири Ўзбекистон мудофаа вазири билан учрашди

Тошкент, Ўзбекистон (UzDaily.uz) — Иордания Бош вазири ва мудофаа вазири Жаафар Ҳассан сешанба куни Ўзбекистон мудофаа вазири генерал-майор Шухрат Холмухамедов билан учрашув ўтказди. Бу ҳақда Jordan News Agency хабар берди.

Томонлар икки томонлама муносабатларнинг юқори даражасини таъкидлаб, турли соҳаларда ҳамкорликни янада ривожлантиришга содиқликларини билдирдилар.

Учрашув ўтган ой Иордания қироли Абдулла II ва Ўзбекистон Президенти Шавкат Мирзиёев ўртасида бўлиб ўтган музокараларнинг мантиқий давоми бўлди. Ушбу музокаралар якунида ҳамкорликка оид қатор келишувлар имзоланган эди.

Музокаралар жараёнида мудофаа соҳасида ҳамкорликни мустаҳкамлаш, тажриба алмашиш ва кадрлар тайёрлаш дастурларини кенгайтириш истиқболлари муҳокама қилинди.