Франция ва Ўзбекистон музейлар ва маданий лойиҳалар бўйича ҳамкорликни кенгайтирмоқда
Тошкент, Ўзбекистон (UzDaily.uz) — Маданият ва санъатни ривожлантириш жамғармаси раиси Гаяне Умерова Франциянинг Ўзбекистондаги янги Элчиси Жаноб Олийлари Валид Фуке жаноблари билан учрашди.
Суҳбат чоғида маданият ва музей иши соҳасидаги лойиҳалар: қўшма кўргазмаларни ташкил этиш, Самарқандда бўладиган ЮНEСКО Бош конференцияси сессияси доирасида Франция Маданият вазирлиги билан халқаро музей конференциясини ўтказиш ва Франция музейлари билан ҳамкорликни ривожлантириш масалалари муҳокама қилинди.
Туризм, креатив иқтисодиёт, маданий меросни асраб-авайлаш масалаларига ҳам алоҳида эътибор қаратилди. “Сомитé Солберт” кўмагида Франциянинг ҳашаматли номдор ширкатлари, меҳмонхона ва ресторанларини жалб этиш, шунингдек, ўзбекистонлик мутахассисларнинг малакасини ошириш учун реставратор Анне Лиегейнинг ташриф буюришини уюштириш масалалари ҳам кўриб чиқилди.
