Фаррух Рустамов «Ўзкомназорат» раҳбари этиб тайинланди

Тошкент, Ўзбекистон (UzDaily.uz) — Ўзбекистон Президенти Шавкат Мирзиёевнинг қарори билан Ахборотлаштириш ва телекоммуникация соҳасида назорат инспекцияси («Ўзкомназорат»)нинг янги раҳбари тайинланди.

Мазкур қарорга кўра, Фаррух Рустамов «Ўзкомназорат» раҳбари лавозимига тайинланди.

Фаррух Рустамов ушбу лавозимда 2022 йил апрель ойидан бери инспекцияга раҳбарлик қилиб келган Аъзам Абдуллаевнинг ўрнини эгаллади.

2024 йил январь ойида тайинловга қадар Рустамов «Ўзбектелеком» компаниясининг Uzmobile филиали директори лавозимида ишлаган.

У шунингдек, Тошкент шаҳар телефон тармоғи марказий алоқа узели бошлиғи, «Ўзбектелеком»нинг «Тошкент шаҳар телефон тармоғи» филиали директори каби масъул лавозимларда ҳам фаолият юритган.