Шошилинч
Иқтисод

Фарғона вилоятида $350 млнлик саноат зонаси ташкил этилади

Фарғона вилоятида $350 млнлик саноат зонаси ташкил этилади
Фарғона вилоятида $350 млнлик саноат зонаси ташкил этилади / Фото: Фарғона вилоят маъмурияти матбуот хизмати.

Тошкент, Ўзбекистон (UzDaily.uz) — Фарғона вилоятининг Қува туманида қиймати 350 млн доллар бўлган Turon Turk махсус саноат зонасини ташкил этиш режалаштирилмоқда. Лойиҳа инвестицияларни жалб қилиш ва 5 мингта иш ўрни яратишни назарда тутади. Бу ҳақда Фарғона вилояти ҳокимлиги матбуот хизмати хабар берди.

18 ноябрь куни Тошкент шаҳрида вилоят ҳокими Хайрулло Бозоров Heyal Holding компанияси вакили Усмон Ҳеял билан учрашди. Музокаралар Ўзбекистон-Туркия бизнесни қўллаб-қувватлаш кенгашининг биринчи йиғилиши доирасида бўлиб ўтди.

Томонлар лойиҳанинг жорий ҳолати, қурилиш ишларининг бориши ва уни амалга оширишнинг кейинги босқичларини муҳокама қилди. Белгиланган муддатларга риоя қилиш, юзага келаётган масалаларни ҳал этиш ва ҳамкорликни кенгайтиришга алоҳида эътибор қаратилди.

Саноат зонасини 26 гектар майдонда жойлаштириш режалаштирилган. Бу ерда мева-сабзавот маҳсулотларини қайта ишлаш, шунингдек, электротехника, озиқ-овқат ва тўқимачилик маҳсулотлари ишлаб чиқаришни ташкил этиш кўзда тутилган.

Лойиҳа амалга оширилиши натижасида 5 мингта янги иш ўрни яратилиши кутилмоқда.

 

Дилафруз Ниязова
Дилафруз Ниязова

Дилафруз Ниязова 2025 йилдан буён UzDaily жамоасида фаолият юритиб, нашрнинг ўзбек тилидаги версияси учун масъулдир.