Тошкент, Ўзбекистон (UzDaily.uz) — Ўзбекистонда биржа савдоларига қўйилган AI-80 русумли бензин қайта ишлаш корхоналарида хомашё сифатида фойдаланиш учун мўлжалланган. Унинг сотилиши ушбу ёқилғини автомобилларга ёқилғи қуйиш шохобчаларида сотиш қайта тикланганини англатмайди. Бу ҳақда Ўзбекистон Энергетика вазирлиги хабар берди.
Вазирлик изоҳига кўра, AI-80 бензинидан юқори октанли бензин ва бошқа кимёвий маҳсулотлар ишлаб чиқариш жараёнларида фойдаланиш мумкин.
Савдо шартларига мувофиқ, ушбу маҳсулотни фақат тегишли лицензияга эга бўлган қайта ишлаш корхоналаригина харид қилиши мумкин.
Энергетика вазирлиги AI-80 бензинини автомобиль ёқилғиси сифатида сотишга нисбатан амалдаги чекловлар сақланиб қолаётганини таъкидлади. Шу сабабли, бензиннинг биржа савдоларига қўйилиши ушбу русумдаги ёқилғининг автомобилларга ёқилғи қуйиш шохобчаларига қайтарилишини англатмайди.