Дэвис Кубоги: Ўзбекистон Хитойга қарши ўйнайди
Тошкент, Ўзбекистон (UzDaily.uz) --
Теннис бўйича Ўзбекистон терма жамоаси жорий йилнинг 15-17-июль кунлари Дэвис Кубоги мусобақаси доирасида Хитойга қарши ўйнайди.
Ўзбекистон ва Хитой терма жамоалари ўртасидаги ўйин Тошкентда бўлиб ўтади. Эслатиб ўтамиз, мазкур учрашувдаги ғолиб Жаҳон лигасига чиқиш учун плей-офф мусобақасида иштирок этиш ҳуқуқини қўлга киритади.
Ўзбекистон теннис федерациясининг маълумотларига кўра, Дэвис Кубогида Ўзбекистон ва Хитой саккиз маротаба учрашишган. Умумий ҳисоб 5:3 Ўзбекистон фойдасига.
Бу ўйинда Ўзбекистон шарафини Денис Истомин, Фаррух Дустов, Санжар Файзиев ва Джурабек Каримовлар ҳимоя қилишади.
