BMB Holding Скандинавия бозорига киришни режалаштирмоқда
Тошкент, Ўзбекистон (UzDaily.uz) — Бир қатор Европа мамлакатларига амалий ташриф буюраётган "BMB Holding" компания делегацияси 30-31 январь кунлари Швецияга ташриф буюрмоқда, деб хабар қилмоқда "Дунё" АА мухбири.
Ўзбекистон элчихонаси кўмагида ташкил этилган музокараларда "BMB Holding" компанияси томонидан ишлаб чиқарилаётган мева-сабзавот ва бошқа маҳсулотларни Швеция ва Норвегия бозорларига етказиб бериш истиқболлари муҳокама қилинди.
Хусусан, Швециянинг Евроосиё бўйича савдо-саноат палатаси бош директори Хайнц Сьегрен, шунингдек, "ALWAID", "Pars Saffran AB", "Exotic Fruit AS" (Норвегия) ва бошқа компаниялар раҳбарияти билан самарали музокаралар ўтказилди.
