Алимжонов Ўзбекистонга Осиё чемпионатидаги илк медални олиб келди

Тошкент, Ўзбекистон (UzDaily.uz) — Ўзбекистон оғир атлетика терма жамоаси Ҳиндистоннинг Гандинагар шаҳрида ўтаётган Осиё чемпионатида илк медални қўлга киритди.

Миллий жамоага мукофотни 79 килограммгача бўлган вазн тоифасида иштирок этган Абдулазиз Алимжонов олиб келди.

Ўзбекистонлик спортчи силтаб кўтариш машқида 191 килограмм натижа қайд этиб, учинчи ўринни эгаллади ва қитъа чемпионатининг бронза медалини қўлга киритди.

Ўзбекистон терма жамоаси учун ушбу медаль жорий Осиё чемпионатидаги биринчи мукофот бўлди.