Абдулазиз Комилов Тожикистон Президенти билан музокаралар ўтказди

Тошкент, Ўзбекистон (UzDaily.uz) -- Ўзбекистон Республикаси Ташқи ишлар вазири Абдулазиз Комилов 2016-йилнинг 29-сентябрь куни Тожикистон Президенти Имомали Раҳмон билан Душанбеда музокаралар ўтказди.

Қайд этамиз, Абдулазиз Комилов Тожикистон пойтахтига ишчи ташриф билан келган.

Тожикистон Президенти Матбуот хизмати маълумотларига кўра, томонлар Ўзбекистон-Тожикистон муносабатларининг ҳолати ва бундан кейинги ривожланиш истиқболларини муҳокама қилдилар.

Томонлар мамнуният билан икки мамлакат ўртасидаги товарайирбошлаш ҳажмлари ошганлигини ҳамда Савдо-иқтисодий ҳамкорлик бўйича Ҳукуматлараро комиссия иши фаоллашганлигини қайд этишди.