O‘zbekiston 3 oyda 2,87 mln xorijiy turist qabul qildi

Toshkent, O‘zbekiston (UzDaily.uz) — 2026 yil yanvar–mart oylarida O‘zbekistonga 2 872 502 nafar xorijiy fuqaro turistik maqsadlarda tashrif buyurdi. Bu haqda Milliy statistika qo‘mitasi maʼlum qildi.

Mamlakatga turistlar oqimi o‘tgan yilning shu davriga nisbatan 770 ming kishiga yoki 36,6 foizga oshgan. Jami O‘zbekistonga dunyoning 164 ta davlati fuqarolari tashrif buyurgan.

Turistlar oqimining asosiy qismi anʼanaviy ravishda Markaziy Osiyo davlatlariga to‘g‘ri kelgan. Eng ko‘p tashrif buyurilgan davlat Qirg‘iz Respublikasi bo‘lib, undan 807 095 nafar sayyoh kelgan. Keyingi o‘rinlarda Tojikistondan 713 904 nafar turist va Qozog‘istondan 681 921 nafar turist qayd etilgan.

Boshqa davlatlar orasida Rossiyadan 223 285 nafar, Afg‘onistondan 120 184 nafar, Xitoydan 87 023 nafar va Turkmanistondan 79 046 nafar tashrif qayd etilgan. Shuningdek, O‘zbekistonga Turkiya, Hindiston va Koreya Respublikasidan ham sayyohlar kelgan.

Statistika maʼlumotlariga ko‘ra, turistik oqim barqaror o‘sishni davom ettirmoqda, bu esa mamlakatning xalqaro jozibadorligi kengayib borayotgani hamda turistik infratuzilma rivojlanayotganini ko‘rsatadi.